தினத்தந்தி புகார் பெட்டிக்கு நன்றி

திருச்சி மாவட்டம், தொட்டியம் ஒன்றியம், முருங்கை பஞ்சாயத்து புதுப்பாளையம் காலனியில் ஏராளமான பொதுமக்கள் வசித்து வருகின்றனர். இங்கு கடந்த ஒரு மாதமாக குடிநீர் பற்றாக்குறையால் சரியாக வரவில்லை. இதனால் குடிநீரை காசு கொடுத்து வாங்கி பயன்படுத்தி வருகின்றனர். இதுகுறித்து நடவடிக்கை எடுக்க வேண்டும் கடந்த 15-ந்தேதி தினத்தந்தி புகார் பெட்டி பகுதியில் செய்தி வெளியிடப்பட்டது. இந்த செய்தி எதிரொலியாக சம்பந்தப்பட்ட அதிகாரிகள் மேற்கண்ட பகுதிக்கு குடிநீர் வினியோகம் வழங்கினர். இதனால் செய்தி வெளியிட்ட தினத்தந்தி புகார் பெட்டிக்கும், செய்தி வெளியிட்ட தினத்தந்தி புகார் பெட்டி பகுதிக்கும் அப்பகுதி பொதுமக்கள் நன்றி தெரிவித்தனர்.