டெங்கு காய்ச்சல் பரவும் அபாயம்

புதுக்கோட்டை மாவட்டம், மாலையீடு பகுதியில் உள்ள விசாலாட்சி நகரில் குடியிருப்பு பகுதிகளுக்கு இடையே பல காலி இடங்கள் உரிமையாளர்களின் கவனிப்பு இன்றி மிகவும் அசுத்தமாக காணப்படுகிறது. மேலும் இங்குள்ள காலி இடங்களில் தண்ணீர் தேங்கியுள்ளதால் அதில் பன்றி, பாம்பு போன்றவை காணப்படுகிறது. இதனால் விசாலாட்சி நகர் மக்கள் நோய்க்கு ஆளாகி சிரமப்படுகின்றனர். மேலும் டெங்கு பரவும் அபாயமும் உள்ளது. இதனை கருத்தில் கொண்டு நகராட்சி ஆணையம் நடவடிக்கை எடுக்க வேண்டும் என கேட்டுக்கொள்கிறோம்.