பஸ் கால அட்டவணை இடம் மாறுமா?

நெல்லை புதிய பஸ் நிலையத்தில், அரசு விரைவு பஸ் முன்பதிவு மையத்தின் அருகில் பஸ் கால அட்டவணை இல்லாததோடு, முன்பதிவு படிவத்தை பூர்த்தி செய்வதற்கான வசதியும் செய்யப்படாமல் உள்ளது. பஸ் கால அட்டவணையை பார்க்க வேண்டுமானால், சுமார் 10 கடைகளை கடந்து சென்று பார்த்து வர வேண்டிய நிலை உள்ளது. எனவே, பயணிகள் நலன் கருதி, முன்பதிவு மையத்தின் அருகில் பஸ் கால அட்டவணை வைப்பதுடன், விண்ணப்பத்தை பூர்த்தி செய்வதற்கான வசதியும் ஏற்படுத்திதர அதிகாரிகள் நடவடிக்கை எடுப்பார்களா?