பயணிகள் நிழற்கூடம் அமையுமா?

கல்லிடைக்குறிச்சி பேரூராட்சி அலுவலகம் எதிரில் பஸ் நிறுத்தம் உள்ளது. நெல்லை, நாகர்கோவில் மார்க்கமாக செல்லும் பயணிகள் இங்கு நின்று தான் பஸ் ஏறி சென்று வருகிறார்கள். ஆனால், இங்கு பயணிகள் நிழற்கூடம் இல்லை. இதனால் பெண்கள், குழந்தைகள், முதியோர் என்று அனைவரும் மழை, வெயிலில் நின்று பஸ் ஏறி சென்று வரும் நிலை உள்ளது. எனவே, உரிய இடத்தில் பயணிகள் நிழற்கூடம் அமைத்து தர அதிகாரிகள் நடவடிக்கை எடுப்பார்களா?