புகார் பெட்டி செய்தி எதிரொலி

கன்னியாகுமரி-தூத்துக்குடி கடற்கரை சாலையில் ராதாபுரம் தாலுகா தோட்டவிளை அருகில் நம்பியாற்று பாலத்தின் மேற்கு பகுதியில் வேகத்தடை இல்லாமல் அறிவிப்பு பலகை மட்டும் இருப்பதாகவும், இதனால் அந்த வழியாக செல்லும் வாகன ஓட்டிகளுக்கு குழப்பம் ஏற்படுவதாகவும் ஆவுடையாள்புரத்ைத சேர்ந்த ரவிச்சந்திரன் என்பவர் 'தினத்தந்தி' புகார் பெட்டிக்கு அனுப்பிய பதிவு செய்தியாக பிரசுரமானது. இதன் எதிரொலியாக அங்கிருந்த அறிவிப்பு பலகை அகற்றப்பட்டுள்ளது. கோரிக்கை நிறைவேற உறுதுணையாக இருந்த 'தினத்தந்தி'க்கும், நடவடிக்கை எடுத்த அதிகாரிகளுக்கும் அவர் நன்றியும், பாராட்டும் தெரிவித்து உள்ளார்.