பாலம் சேதமடையும் அபாயம்

திருச்சி மாவட்டம், துறையூர் வட்டம், சோபனபுரம் ஊராட்சியில் ஓசரப்பள்ளி கிராமம் உள்ளது. பச்சமலையில் இருந்து காட்டாறு ஓசரப்பள்ளி வழியாக ஒக்கரை ஏரிக்கு சென்று அடைகிறது. ஓசரப்பள்ளி செல்லும் சாலை ஓரமாக ஆறு வருகிறது. நடு ஆற்றில் சீமைக்கருவேல மரங்கள் அதிக அளவில் முளைத்துள்ளதால் காட்டாற்று வெள்ளம் வரும்போது தண்ணீர் செல்ல வழியின்றி ஓசரப்பள்ளி செல்லும் சாலையில் உள்ள பாலம் சேதமடையும் அபாயம் உள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.