விபத்தை ஏற்படுத்தும் தெருநாய்கள்

நாமக்கல் நகராட்சிக்கு உட்பட்ட பெரும்பாலான பகுதிகளில் தெருநாய்கள் தொல்லை இருந்து வருகிறது. குறிப்பாக நாமக்கல்- சேந்தமங்கலம் சாலையில் இறைச்சி கடைகள் அதிக அளவில் உள்ளதால், இந்த இறைச்சி கழிவுகளை சாப்பிட அங்கு ஏராளமான தெருநாய்கள் வருகின்றன. இவை இரவு நேரங்களில் சாலையில் நின்று கொண்டு அந்த வழியாக இருசக்கர வாகனங்களில் செல்வோரை துரத்துகின்றன. தெருநாய்களுக்கு பயந்து வாகனத்தை வேகமாக இயக்கும் சிலர் விபத்தில் சிக்கும் சம்பவமும் அவ்வப்போது நிகழ்ந்து வருகிறது. எனவே தெருநாய்களை கட்டுப்படுத்த நகராட்சி அதிகாரிகள் நடவடிக்கை எடுக்க வேண்டும்.