தூர்வாரப்படாத உபரிநீர் கால்வாய்

கரூர் மாவட்டம், காளிபாளையம் பகுதியில் உள்ள விவசாய நிலங்களில் இருந்து வெளியேறும் உபரிநீர் செல்லும் வகையில் கால்வாய் வெட்டப்பட்டுள்ளது. இந்த உபரிநீர் கால்வாய் வழியாக ஏராளமான உபரிநீர் சென்றது. அதேபோல் மழைக்காலங்களில் இந்த உபரிநீர் வாய்க்கால் வழியாக மழைநீர் சென்றது. இந்நிலையில் உபரிநீர் கால்வாய் முழுவதும் நெடுகிலும் சம்பு மற்றும் பல்வேறு செடி, கொடிகள் ஆள் உயரம் முளைத்துள்ளது. இதன் காரணமாக இந்த உபரிநீர் கால்வாய் வழியாக உபரிநீர் செல்ல முடியாமல் தேங்கி நிற்கிறது. அதேபோல் மழை காலங்களில் மழைநீர் செல்ல முடியாத சூழ்நிலை ஏற்பட்டுள்ளது. எனவே உள்ளாட்சித்துறை நிர்வாகத்தினர் உபரிநீர் வாய்க்காலில் முளைத்துள்ள சம்பு மற்றும் பல்வேறு வகையான செடி,கொடிகளை அகற்றி உபரிநீர் தங்கு தடை இன்றி செல்ல நடவடிக்கை எடுக்க வேண்டும் என கேட்டுக்கொள்கிறோம்.