கழிப்பிட வசதி வேண்டும்

நாமக்கல் கலெக்டர் அலுவலகத்திற்கு வாரந்தோறும் திங்கட்கிழமை ஏராளமான பொதுமக்கள் மனு அளிக்க வருகின்றனர். கலெக்டர் அலுவலக நுழைவுவாயிலில் அவர்களிடம் போலீசார் விசாரணை நடத்துவதோடு, பொதுமக்கள் கொண்டு வரும் குடிநீர் பாட்டில்கள் உள்பட அனைத்தையும் சோதனை செய்து அனுப்புகின்றனர். கலெக்டர் அலுவலகம் வரும் பொதுமக்களும், பாதுகாப்பு பணிக்கு வரும் போலீசாரும் கலெக்டர் அலுவலக நுழைவு வாயில் அருகே கழிப்பிட வசதி இல்லாததால் கடும் சிரமத்திற்கு ஆளாகின்றனர். எனவே பொதுமக்களின் வசதிக்காக நுழைவுவாயில் அருகே கழிப்பிட வசதி செய்து தர வேண்டும்.