புதுக்கோட்டை மாவட்டம், திருமலைராயபுரம் நடுபட்டி பகுதியில் ஏராளமான பொதுமக்கள் வசித்து வருகின்றனர். இப்பகுதியில் குடிநீர் பற்றாக்குறை ஏற்பட்டுள்ளதால் வேலைக்கு செல்பவர்கள் மற்றும் வெளியூர் செல்பவர்கள் குறித்த நேரத்திற்கு செல்ல முடியாமல் பெரிதும் அவதிப்பட்டு வருகின்றனர். மேலும் தங்களின் அன்றாட தேவைக்கு தேவையான தண்ணீரை அருகில் உள்ள பகுதிகளுக்கு சென்று எடுத்து வரும் நிலை ஏற்பட்டுள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இப்பகுதியில் ஏற்பட்டுள்ள குடிநீர் பற்றாக்குறையை போக்க வேண்டும் என கேட்டுக்கொள்கிறோம்.