திருக்கோவிலூர் அடுத்த அரியூர் ஊராட்சி வடியாங்குப்பம் கிராமத்தில் மினி குடிநீர் தொட்டி அமைக்கப்பட்டு குடிநீர் வினியோகம் செய்யப்பட்டு வருகிறது. இந்நிலையில் குடிநீர் தொட்டியின் கீழ் உள்ள சிமெண்டு பூச்சுகள் உடைந்து பரிதாபமாக காட்சியளிக்கிறது. இதனால் குடிநீர் பிடிக்க வரும் பொதுமக்கள் உடைந்த சிமெண்டு பூச்சுகளில் தடுக்கி விழுந்து காயம் அடைந்து வருகின்றனர். எனவே இதை உடனடியாக சீரமைக்க சம்பந்தப்பட்ட துறை அதிகாரிகள் நடவடிக்கை எடுக்க வேண்டும்.