வேகத்தடைகள் அமைக்கலாமே!

ராசிபுரம் டவுன் நாமக்கல் சாலையில் பிரசித்தி பெற்ற நித்திய சுமங்கலி மாரியம்மன் கோவில் மற்றும் பள்ளி, கல்லூரிகள் உள்ளன. இந்த சாலை வழியாக தினந்தோறும் நூற்றுக்கணக்கான பஸ், கல்லூரி வாகனங்கள் செல்கின்றன. காலை, மாலை நேரங்களில் போக்குவரத்து நெரிசல் அதிகம் காணப்படுகிறது. மேலும் இளைஞர்கள் மோட்டார் சைக்கிள்களில் ஆபத்தான வேகத்தில் செல்வதால் விபத்துகள் அடிக்கடி ஏற்படுகின்றன. எனவே பெண்கள் பள்ளி அருகே நாமக்கல் சாலையிலும், மாரியம்மன் கோவில் அருகேயும் விபத்தை தடுக்கும் வகையில் வேகத்தடைகள் அமைக்க வேண்டும் என அப்பகுதி மக்கள் கோரிக்கை வைத்துள்ளனர்.