குண்டும், குழியுமான சாலை

புதுக்கோட்டை மாவட்டம் திருவரங்குளம் அருகில் உள்ள திருக்கட்டளைக்கு, மேட்டுப்பட்டி ரைஸ் மில் பஸ் நிறுத்தத்தில் இருந்து மேலக்கொல்லை வழியாகச் செல்லும் 3 கிலோமீட்டர் நீள தார்சாலை முற்றிலும் பழுதடைந்து குண்டும், குழியுமாக காட்சியளிக்கிறது. இச்சாலையைப் பயன்படுத்தும் பள்ளி மாணவர்கள், வேலைக்குச் செல்வோர் மற்றும் பொதுமக்கள் தினமும் கடுமையான அவதிக்குள்ளாகி வருவதோடு, அடிக்கடி இருசக்கர வாகன விபத்துகளும் ஏற்பட்டு வருகின்றன. எனவே, சம்பந்தப்பட்ட அதிகாரிகள் உடனடியாக நடவடிக்கை எடுத்து, இந்த சாலையை சீரமைத்துத் தர வேண்டும்.