தார்சாலையை சீரமைக்க வேண்டுகோள்

அரியலூர் மாவட்டம் ஜெயங்கொண்டம் ஒன்றியம் மீன்சுருட்டி அருகே பெட்ரோல் விற்பனை நிலையம் எதிரே உள்ள கைலாசபுரம் சாலை முதல் வீரபோகம் கிராமம் வரை செல்லும் சுமார் 2 கிலோமீட்டர் நீளமுள்ள தார்சாலை கடந்த சில வருடங்களாகவே குண்டும், குழியுமாக மிகவும் சேதமடைந்த நிலையில் உள்ளது. அவசர காலங்களில் கூட குறிப்பிட்ட நேரத்திற்கு செல்ல முடியாத நிலை ஏற்பட்டுள்ளது. இந்த வழியாக செல்லும் முதியவர்கள், மாணவர்கள் மற்றும் பொதுமக்கள் மிகுந்த சிரமத்திற்கு ஆளாகி வருகின்றனர். எனவே சம்பந்தப்பட்ட அதிகாரிகள் நடவடிக்கை எடுத்து தார்சாலையை சீரமைக்க வேண்டும்.