சாலை வசதி அமைக்கப்படுவது எப்போது?

திருவள்ளூர் மாவட்டம் செங்குன்றம் அருகே உள்ள விளாங்காடுபாக்கம் ஸ்டார் சிட்டி அனெக்ஸ் 7 மற்றும் 12 பகுதிகளில் சுமார் 50-க்கும் மேற்பட்ட குடும்பங்கள் வசித்து வருகின்றன. சாலை வசதி சரிவர இல்லாததால் அங்குள்ள பொதுமக்கள் தினந்தோறும் பல்வேறு சிரமங்களை சந்தித்து வருகிறார்கள். மழைக்காலங்களில் வெள்ள நீர் புகுந்து குடியிருப்புகளை சுற்றி தேங்குவதால் தொற்றுநோய் பரவும் அபாயம் ஏற்பட்டுள்ளது. குண்டும், குழியுமான மண் சாலைகளால் அடிக்கடி விபத்துகள் ஏற்படுகிறது. இதேபோல தெருவிளக்குகளும் சரிவர எரியவில்லை. எனவே சம்பந்தப்பட்ட துறை சார்ந்த அதிகாரிகள் அந்த பகுதி மக்களின் அடிப்படை வசதிகளை சீரமைக்க உரிய நடவடிக்கை எடுக்க வேண்டும்.