போக்குவரத்து நெரிசல்

அரியலூர் நகரில் முக்கிய சாலைகளில் ஒன்றான யூனியன் அலுவலகம் செல்லும் சாலையில், தினமும் அரசு கலைக்கல்லூரி மற்றும் அரசு மருத்துவக்கல்லூரியில் பயிலும் மாணவ-மாணவிகளும், அரசு மருத்துவமனைக்கு செல்லும் பொதுமக்களும் அதிகளவில் சென்று வருகின்றனர். அதேபோல், பள்ளி செல்லும் மாணவ-மாணவிகளும் இந்த வழியாக நடந்தும், சைக்கிள்களிலும் சென்று வருகின்றனர். இந்நிலையில், இந்த சாலை வழியாக காலை மற்றும் மாலை நேரங்களில் கனரக வாகனங்கள் அதிகளவில் செல்வதால், கடும் போக்குவரத்து நெரிசல் ஏற்படுவதோடு, மாணவர்கள் உள்ளிட்டோருக்கு கால விரயமும் ஏற்படுகிறது. எனவே சம்பந்தப்பட்ட அதிகாரிகள் இதுகுறித்து விரைந்து நடவடிக்கை எடுக்க வேண்டும் என கேட்டுக்கொள்கிறோம்.