வாகன ஓட்டிகள் அவதி

அரியலூர் மாவட்டம், உடையார்பாளையம் வட்டம், கல்லாத்தூர் ஊராட்சி ஒன்றியம், இந்திராநகரில் இருந்து மேட்டுத்தெரு வரை அமைக்கப்பட்டுள்ள தார் சாலை சிதிலமடைந்து, ஜல்லிக்கற்கள் பெயர்ந்து ஆங்காங்கே குண்டும், குழியுமாக காணப்படுகிறது. இதனால் இந்த வழியாக செல்லும் வாகன ஓட்டிகள் பெரிதும் அவதிப்பட்டு வருகின்றனர். மேலும் இந்த சாலை வழியாக இரவு நேரத்தில் செல்லும் இருசக்கர வாகன ஓட்டிகள் நிலை தடுமாறி கீழே விழுந்து காயம் அடைந்து வருகின்றனர். எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து புதிய தார் சாலை அமைக்க வேண்டும் என கேட்டுக்கொள்கிறோம்.