குண்டும், குழியுமான தார் சாலை

புதுக்கோட்டையிலிருந்து தஞ்சாவூர் செல்லும் தேசிய நெடுஞ்சாலையில் வளவம்பட்டி விளக்கு சாலை எதிர்புறத்திலிருந்து கொத்தகம் வழியாக கந்தர்வக்கோட்டைக்கு செல்லும் இணைப்பு சாலை உள்ளது. இந்த சாலையின் அருகே தனியார் பள்ளி, அரசு பெண்கள் மேல்நிலைப்பள்ளி, அரசு ஆண்கள் மேல்நிலைப்பள்ளி உள்ளது. இந்த பள்ளிகளுக்கு நாள்தோறும் வளவம்பட்டி, சோத்துப்பாளை, சொக்கநாதப்பட்டி, சோழகம்பட்டி கல்லுக்காரன்பட்டி உள்ளிட்ட பல்வேறு சுற்றுவட்டார கிராமங்களைச் சேர்ந்த 200-க்கும் மேற்பட்ட மாணவர்கள் நாள்தோறும் இந்த கொத்தகம் சாலை வழியாக பள்ளிக்கு சென்று வருகின்றனர். இந்த நிலையில் இந்த சாலை அமைக்கப்பட்டு பல ஆண்டுகள் ஆனதால் தற்போது சிதிலமடைந்து குண்டும், குழியுமாக காணப்படுகிறது. இதனால் இந்த வழியாக செல்லும் மாணவ- மாணவிகள், வாகன ஓட்டிகள் பெரிதும் அவதிப்பட்டு வருகின்றனர். இது குறித்து சம்பந்தப்பட்ட அதிகாரிகள் விரைந்து நடவடிக்கை எடுத்து புதிய தார் சாலை அமைக்க வேண்டும் என கேட்டுக்கொள்கிறோம்.