தார்சாலை வேண்டும்

திருவாரூரை அடுத்த புதூர் பகுதி நமச்சிவாயபுரம் சிவன்கோவில் தெருவில் தார் சாலை வசதி இல்லை. குறிப்பாக சிவன் கோவிலிருந்து காளியம்மன் கோவிலுக்கு செல்வதற்கு மண்பாதையை பயன்படுத்தி வருகின்றனர். மழைக்காலங்களில் மண்பாதை சேறும்,சகதியுமாக மாறிவிடுகிறது. பொதுமக்கள், கோவிலுக்கு வருபவர்கள், பள்ளி மாணவ-மாணவிகள் மண்பாதை வழியாக நடந்து செல்ல முடியாத நிலை உருவாகிறது. மேலும், வாகனங்களும் சேற்றில் சிக்கிக்கொள்கின்றன. எனவே, சம்பந்தப்பட்ட அதிகாரிகள் மேற்கண்ட பகுதியில் ஆய்வு செய்து தார் சாலை அமைக்க நடவடிக்கை எடுக்க வேண்டும்.