குண்டும், குழியுமான சாலை

கரூர் மாவட்டம் நொய்யல் சுற்று வட்டார பகுதிகளைச் சேர்ந்த பொதுமக்கள் காவிரி ஆற்றுக்கு சென்று வருவதற்கும், ஆடு, மாடுகளை ஓட்டிச் சென்று மேய்த்து வருவதற்கும், விவசாய நிலங்களுக்கு ஈடுபொருட்களை கொண்டு செல்வதற்கும்,விளைந்த பொருட்களையும் கொண்டு வருவதற்காகவும் , அதேபோல் காவிரி ஆற்றங்கரையில் உள்ள சுடுகாட்டிற்கு இறந்தவர்களை கொண்டு செல்வதற்கும் உள்ளாட்சி நிர்வாகம் சார்பில் தார் சாலை அமைக்கப்பட்டது. இந்த தார் சாலை புகளூர் வாய்க்கால் முதல் காவிரி ஆற்றங்கரை அருகே உள்ள சுடுகாடு வரை போடப்பட்டது. தார் சாலை போடப்பட்டு பல ஆண்டுகள் ஆனதன் காரணமாக தார் சாலை நடுகிலும் மிகவும் பழுதடைந்து குண்டும் ,குழியுமாக உள்ளது. இதனால் பொதுமக்கள் கடும் சிரமப்பட்டு வருகின்றனர். எனவே அதனை சீரமைத்து தர நடவடிக்கை எடுக்க வேண்டும் என கேட்டு கொள்கிறோம்.