சேறும்,சகதியுமான சாலை

திருவாரூர் மாவட்டம் முத்துப்பேட்டை தாலுகா கர்ணாவூர் கிராமம் வடக்கு தெருவில் சாலை முறையான பராமரிப்பின்றி உள்ளது. இதனால் சாலையில் உள்ள ஜல்லிகற்கள் பெயர்ந்து குண்டும்,குழியுமாக இருக்கிறது. மழைக்காலங்களில் சாலையில் மழைநீர் தேங்குவதால் சேறும்,சகதியுமாக சாலை மாறிவிடுகிறது. இதன்காரணமாக பொதுமக்கள், மாணவ-மாணவிகள் சாலை வழியாக நடந்து செல்ல முடியாத நிலை உருவாகிறது. மேலும், வாகன ஓட்டிகளும் மிகுந்த சிரமத்துடன் சென்று வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உள்ள சாலையை சீரமைக்க வேண்டும் என்பதே பொதுமக்களின் கோரிக்கையாகும்.