புதிய தார்ச்சாலை அமைக்கவேண்டும்

திருவாரூர் மாவட்டம், அடியக்கமங்கலம் ஊராட்சியின் மேலத்தெருவில் ஏராளமானோர் வசித்து வருகின்றனர். இந்த பகுதியில் உள்ள அரசு மேல்நிலைப்பள்ளிக்கு உள்ளூர் மட்டுமின்றி அருகில் உள்ள பகுதிகளில் இருந்தும் ஏராளமான மாணவ-மாணவிகள் பயின்று வருகின்றனர். இந்த பகுதியில் பல ஆண்டுகளாக சாலை வசதியில்லை. இதனால் சாலை கப்பிகள் நிறைந்து காணப்படுகிறது. இதனால் பள்ளிக்கு வரும் மாணவ-மாணவிகள் சிரமப்பட்டு வருகின்றனர். மேலும் இரவு நேரங்களில் பள்ளங்கள் இருப்பது தெரியாமல் நிலைதடுமாறி விழுந்து விடுகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து புதிய தார்ச்சாலை அமைத்து தரவேண்டும் என்று பொதுமக்கள் கோரிக்கை விடுத்துள்ளனர்.