போக்குவரத்துக்கு பயனற்ற சாலை

ராமநாதபுரம் மாவட்டம் கடலாடி அருகே மேலச்செல்வனூர் ஊராட்சிக்கு உட்பட்ட தேரங்குளம் கிராமத்தில் ஏராளமான பொதுமக்கள் வசித்து வருகிறார்கள்.இந்த கிராமத்தில் கடந்த 10 ஆண்டுகளுக்குமுன் அமைக்கப்பட்ட சாலை தற்போது முற்றிலும் சேதமடைந்து போக்குவரத்துக்கு பயனற்ற நிலையில் உள்ளது. இதனால் பள்ளி கல்லூரிகளுக்கு செல்லும் மாணவர்கள் கடும் சிரமத்திற்கு உள்ளாகி வருகின்றனர். அவசர தேவைக்கு ஆம்புலன்ஸ் போன்ற வாகனங்களும் வர சிரமப்படுகிறது. எனவே சம்பந்தப்பட்ட அதிகாரிகள் சேதமடைந்த சாலையை தார்ச்சாலையாக மாற்ற வேண்டும்.