சாலைகளை சீரமைக்க கோரிக்கை

புதுக்கோட்டை மாவட்டம், வாராப்பூர் ஊராட்சிக்கு உட்பட்ட வாராப்பூர் கம்மங்காடு இணைப்புச் சாலை மற்றும் சுந்த நெறிப்பட்டி கிராம சாலை 850 மீட்டர் மற்றும் இருங் குலவன் பட்டி கிராம சாலை, மேல புலவன்காடு கிராம சாலை, கீழ புளவங்காடு -மேல மஞ்ச கரை கிராம சாலை, புதுவயல் கிராம சாலை, விறியணி பட்டி கிராம சாலை, குறுக்க பட்டி மெட்டல் சாலை, கழனி பட்டி ராஜாத்தி அம்மன் கோவில் சாலை மற்றும் வளச்சேரி பட்டி மேல தெரு சாலை, தெற்கு கறை சாலை என மேற்கொண்ட சாலைகள் அனைத்தும் கஜா புயல் மற்றும் பல்வேறு பெரும் மழை மற்றும் புயல் காரணமாக வெகுவாக பாதிக்கப்பட்டு பொதுமக்கள், மாணவ-மாணவிகள், விவசாயிகள் சென்றுவர இயலாத நிலையில் குண்டும், குழியுமாக உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இந்த சாலைகளை சீரமைக்க வேண்டும் என கேட்டுக்கொள்கிறோம்.