சாலையை ஆக்கிரமித்த வாகனங்கள்

தர்மபுரி பஸ் நிலையத்தின் தெற்கு பகுதியில் நகராட்சி மகளிர் உயர்நிலைப்பள்ளி மற்றும் தொடக்கப்பள்ளி செயல்பட்டு வருகிறது. இந்த பள்ளி வளாகத்தின் கிழக்கு நுழைவுவாயில் பகுதியையொட்டி உள்ள சாலையில் பெரும் பகுதியை ஆக்கிரமித்தபடி கார்கள், வேன்கள் உள்ளிட்ட வாகனங்கள் நிறுத்தப்படுகின்றன. இதன் காரணமாக இந்த பகுதியில் அடிக்கடி வாகன போக்குவரத்து நெரிசல் ஏற்படுகிறது. இதனால் வாகனங்கள் நீண்ட நேரம் தேங்கி நிற்கும் நிலை ஏற்பட்டு வருகிறது. எனவே இந்த பகுதியில் சாலையை ஆக்கிரமித்து வாகனங்கள் நிறுத்தப்படுவதை தவிர்க்க தேவையான நடவடிக்கைகளை எடுக்க வேண்டும்.