சாலை வசதி தேவை

மூலைக்கரைப்பட்டியில் இருந்து அச்சம்பாடு கிராமத்துக்கு செல்லும் மண்சாலையை அப்பகுதி மக்கள், மாணவ-மாணவிகள் பயன்படுத்தி வருகின்றனர். மேலும் நெல்லையப்பபுரம், வடக்கு நெல்லையப்பபுரம், செல்விநகர், அ.சாத்தான்குளம், செல்வநகர் உள்ளிட்ட பகுதி மக்களும் மூலைக்கரைப்பட்டிக்கு இந்த சாலை வழியாகவே சென்று வருகின்றனர். மழைக்காலத்தில் இந்த சாலை சேறும் சகதியுமாக மாறி விடுவதால் பயன்படுத்த முடியாத நிலை உள்ளது. இதனால் பெருமாள்நகர் வழியாக சுற்றி செல்கின்றனர். எனவே மண்சாலையை தார் சாலையாக மாற்றி அமைக்க வேண்டுகிறேன்.