சேறும், சகதியுமான சாலை

அரியலூர் மாவட்டம் ரெட்டிபாளையம் பஞ்சாயத்திற்கு உட்பட்டது முனியங்குறிச்சி, நாயக்கர் பாளையம் கிராமங்கள் ஆகும். முனியங்குறிச்சி கிராமத்திலிருந்து வெளிபிரிங்கியம் செல்லும் வழியில் சுண்ணாம்புக்கல் லாரிகள் வேகமாக செல்லும்போது அடிக்கடி சாலையில் சுண்ணாம்புக்கல் சிதறுகிறது. மேலும் மழை பெய்யும் போது வெளி பிரிங்கியம் கிராமம் வரை சாலை மிகவும் சேறும், சகதியுமாக காணப்படுகிறது. இதனால் இவ்வழியே பெரிய திருக்கோணத்தில் உள்ள அரசு மேல் நிலைப்பள்ளிக்கு செல்லும் பள்ளி மாணவர்கள் மற்றும் கீழப்பழுவூர் வழியாக கூலி வேலைக்கு இருசக்கர வாகனத்தில் செல்லும் பொதுமக்கள் மிகவும் சிரமப்பட்டு வருகின்றனர். சில சமயங்களில் சாலையில் தேங்கியுள்ள சேறு சகதிகள் வழுக்கி கீழே விழுந்து விபத்துகளும் ஏற்படுகிறது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.