சாலை அமைக்கப்படுமா?

திருச்சி பீரங்கி குளத்தெரு பகுதியில் அமைக்கப்பட்டுள்ள சாலை சிதிலமடைந்து தற்போது மண் சாலை போல் காணப்படுகிறது. இதனால் மழை பெய்யும்போது இந்த சாலை சேறும், சகதியுமாக காணப்படுவதுடன் மழைநீர் செல்ல சாலையோரம் முறையான வடிகால் வசதி இல்லாததால் தேங்கி நிற்கிறது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து இப்பகுதியில் வடிகால் வசதியுடன் கூடிய தார் சாலை அமைக்க வேண்டும் என கேட்டுக்கொள்கிறோம்.