ஜல்லி கற்கள் பெயர்ந்த சாலை

புதுக்கோட்டை மாவட்டம், ஆலங்குடி தாலுகா, வடகாடு பரமநகர் பகுதியில் இருந்து கடைவீதி செல்லும் தார் சாலை அமைக்கப்பட்டு பல ஆண்டுகள் ஆனதால் தற்போது சிதிலமடைந்து ஜல்லி கற்கள் பெயர்ந்த நிலையில் காணப்படுகின்றன. இதனால் இவ்வழியாக செல்லும் பள்ளி மாணவ-மாணவிகள், காய்கறிகள் கொண்டு செல்லும் விவசாயிகள், பொதுமக்கள், வாகன ஓட்டிகள் என அனைவரும் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.