ரோட்டில் திடீர் பள்ளம்

ஈரோடு பன்னீர்செல்வம் பூங்கா பகுதியில் கடந்த 2 நாட்களுக்கு முன்பு குடிநீர் குழாயில் ஏற்பட்ட உடைப்பை சரிசெய்ய மாநகராட்சி அதிகாரிகள் பொக்லைன் எந்திரம் மூலமாக குழி தோண்டினர். அந்த பணிகள் முடிந்தபிறகு குழி மூடப்பட்டது. அந்த வழியாக வாகனங்கள் சென்றன. இதனால் அங்கு திடீர் பள்ளம் உருவானது. இருசக்கர வாகனங்களில் சென்றவர்கள் தவறி விழும் அபாயம் ஏற்பட்டது. இதனால் போக்குவரத்து நெரிசலும் ஏற்பட்டது. இதையடுத்து விபத்து ஏற்படாமல் இருக்க வாகன ஓட்டிகளுக்கு எச்சரிக்கை விடுக்கும் வகையில் அந்த பள்ளத்துக்கு அருகில் பேரிகார்டர் வைக்கப்பட்டது. விபத்தை ஏற்படுத்தும் அபாயத்தில் உள்ள பள்ளத்தை சீரமைக்க நடவடிக்கை எடுக்கப்படுமா?