சேதமடைந்த சிமெண்டு சாலை

மணிகண்டம் ஒன்றியம், கள்ளிக்குடி ஊராட்சிக்கு உட்பட்ட மட்டப்பாறைப்பட்டி தெற்கு தெருவில் ஒன்றிய பொது நிதியில் இருந்து சுமார் 100 மீட்டர் அளவிற்கு புதிதாக சிமெண்டு சாலை போடப்பட்டுள்ளது. அந்த சிமெண்டு சாலை அமைக்கப்பட்டு தற்போது 6 மாதங்கள் ஆகிறது. அதற்குள் சிமெண்டு சாலையில் ஆங்காங்கே உடைந்து பெயர்ந்து வாகனங்கள் செல்ல முடியாத நிலையில் மிகவும் சேதம் அடைந்து உள்ளது. இதுகுறித்து மணிகண்டம் ஒன்றிய வட்டார வளர்ச்சி அலுவலர் மற்றும் ஒன்றிய பொறியாளரிடம் அப்பகுதி பொதுமக்கள் புகார் தெரிவித்தும் அவர்கள் அதுபற்றி ஏதும் கண்டு கொள்ளவில்லை என்று கூறப்படுகிறது. எனவே சம்பந்தப்பட்ட அதிகாரிகள் மட்டப்பாறைப்பட்டி தெற்கு தெருவில் புதிதாக அமைக்கப்பட்டு சேதம் அடைந்த சிமெண்டு சாலையை பார்வையிட்டு ஆய்வு செய்து அதை சீரமைத்து தருவதற்கு நடவடிக்கை எடுக்க வேண்டும் என கேட்டுக்கொள்கிறோம்.