சாலை சீரமைக்கப்படுமா?

சங்கராபுரம் ஊராட்சி ஒன்றியம் ரிஷிவந்தியம் தொகுதிக்கு உட்பட்ட மேல் சிறுவள்ளூர் பகுதியில் இருந்து உலகளாப்பாடி, அருளம்பாடி, மங்கலம் உள்ளிட்ட பகுதி வழியாக திருக்கோவிலூர் செல்லும் சாலை முழுவதும் சேதமடைந்து காணப்படுகிறது. இதனால் அந்த சாலை போக்குவரத்திற்கு பயன்படாத நிலை உள்ளது. இதுதொடர்பாக சம்பந்தப்பட்ட நெடுஞ்சாலை துறை அதிகாரிகளுக்கு பலமுறை புகார் தெரிவித்தும் இதுவரை எந்தவிதமான நடவடிக்கையும் எடுக்கப்படவில்லை. எனவே போக்குவரத்திற்கு பயன்படாத சூழல் உள்ள இந்த சாலையை சீரமைக்க அதிகாரிகள் நடவடிக்கை எடுக்க வேண்டும் என்பது பொதுமக்களின் எதிர்பார்ப்பாகும்.