முழுமை பெறாத சாலை பணி

புதுக்கோட்டை மாவட்டம், கீரமங்கலத்திலிருந்து பனங்குளம், குளமங்கலம் வழியாக அறந்தாங்கி செல்லும் சாலை விரிவாக்கப் பணிகள் நடந்து வருகிறது. இதில் குளமங்கலம் தெற்கு கிராமத்திலிருந்து ஆவணத்தான்கோட்டை வரை அறந்தாங்கி நெடுஞ்சாலைத்துறை அதிகாரிகள் கண்காணிப்பில் பணிகள் நடந்துள்ளது. 90 சதவீதம் முடிந்த சாலை பணியில் மின் கம்பங்களுக்காக பல இடங்களில் சாலை மராமத்து செய்யாமல் உள்ளது. மின்கம்பங்கள் மாற்றி அமைக்கப்பட்ட பிறகும் விடுபட்ட சாலை பணிகள் முழுமையாக நடக்காததால் பெரிய பள்ளங்களாகி வேகமாக வரும் வாகனங்கள் அடிக்கடி விபத்திற்குள்ளாகிறது. இரவு நேரங்களில் மோட்டார் சைக்கிள்களில் வேகமாக வரும் பொதுமக்கள் சாலையில் பள்ளம் இருப்பது தெரியாமல் விபத்திற்குள்ளாகி விழுந்துள்ளனர். பள்ளங்கள் இருபதற்கு எச்சரிக்கை பதாகையும் வைக்கப்படவில்லை. ஆகவே சாலை பணியை முழுமையாக பூர்த்தி செய்து விபத்துகளை தடுக்க நடவடிக்கை எடுக்க வேண்டும் என கேட்டுக்கொள்கிறோம்.