சீரமைக்கப்படாத சாலை

கரூர் மாவட்டம், நொய்யல் வழியாக புகழூர் வாய்க்கால் செல்கிறது. புகழூர் வாய்க்காலுக்கும், காவிரி ஆற்றுக்கும் இடையே விவசாய நிலங்கள் உள்ளது. இந்த நிலத்தில் விவசாயிகள் பல்வேறு பணப்பயிர்களை பயிரிட்டு வருகின்றனர். விவசாய பயிர்களுக்கு தேவையான உரங்களை விவசாயிகள் வாகனங்களில் கொண்டு சென்று வருகின்றனர். விவசாயிகளின் நலன் கருதி புகழூர் வாய்க்கால் மேட்டில் தார் சாலை அமைக்கப்பட்டது. இந்த தார் சாலை வழியாக விவசாயிகள் இடுப்பொருட்களையும், விளைபொருட்களையும் கொண்டு சென்று வருகின்றனர். மேலும் காவிரி ஆற்றுக்கு இந்த வழியாக பொதுமக்கள் சென்று வருகின்றனர். இந்நிலையில் தார் சாலை போடப்பட்டு பல ஆண்டுகள் ஆனதன் காரணமாக தார் சாலை நெடு கிலும் சிதிலமடைந்த காணப்படுகிறது. இதனால் விவசாயிகள் பெரிதும் அவதிப்பட்டு வருகின்றனர். எனவே இதுகுறித்து பொதுப்பணித்துறை அதிகாரிகள் விரைந்து நடவடிக்கை எடுத்து தார் சாலையை சீரமைத்து தர வேண்டும் என கேட்டுக்கொள்கிறோம்.