புழுதி பறக்கும் சாலை

தர்மபுரி-அரூர் இடையே சாலை விரிவாக்க பணி மேற்கொள்ளப்பட்டு வருகிறது. இதற்காக சாலையின் பக்கவாட்டு பகுதிகளில் தார் சாலை அமைப்பதற்கு முன்பு மண் சாலை போடப்படுகிறது. அந்த இடங்களில் லாரிகள் மூலம் தண்ணீர் தெளிக்கும் பணியும் மேற்கொள்ளப்படுகிறது. ஆனால் சில இடங்களில் குறிப்பிட்ட இடைவெளியில் தண்ணீர் தெளிக்காததால் வாகனங்கள் செல்லும்போது புழுதி பறக்கிறது. இதனால் பஸ், கார்கள் இருசக்கர வாகனங்களில் செல்பவர்கள் கடும் சிரமத்திற்கு உள்ளாகிறார்கள். அதிக வாகன போக்குவரத்துக் கொண்ட இந்த சாலையில் மண் சாலை அமைக்கப்பட்டுள்ள பகுதிகளில் அவ்வப்போது தண்ணீர் தெளித்து சுற்றுச்சூழல் மாசுபாடு அடைவதை தடுக்க வேண்டும்.
-மகேந்திரன், தர்மபுரி.