வேகத்தடை அமைக்கப்படுமா?

கரூர் மாவட்டம், புகழூர் தாலுகா, கோம்புப்பாளையம் மற்றும் வேட்டமங்கலம் ஊராட்சிகளுக்கு உட்பட்ட முனிநாதபுரம் என்கிற வெள்ளக்கல்மேடு பகுதியில் நொய்யல்-வேலாயுதம்பாளையம் செல்லும் நெடுஞ்சாலையில் அதிக வேகத்தில் வரும் வாகனங்களால் அடிக்கடி விபத்து ஏற்பட்டு வருகிறது. இதனால் உடல் உறுப்புகள் சேதம் அடைந்தும், ஆபத்தான நிலையில் வாகன ஓட்டிகள் விபத்தில் சிக்கி செல்கின்றனர். எனவே நெடுஞ்சாலை துறை அதிகாரிகள் விரைந்து நடவடிக்கை எடுத்து சாலையின் குறுக்கே வேகத்தடை அமைத்துத்தர வேண்டும் என கேட்டுக்கொள்கிறோம்.