குண்டும், குழியுமான சாலை

அரியலூர் மாவட்டம், தா.பழூர் ஊராட்சி ஒன்றியம், குணமங்கலத்தில் இருந்து அரக்கட்டளை கிராமம் வரை செல்லும் 3 கிலோ மீட்டர் தூரம் உள்ள தார்சாலை கடந்த ஓராண்டுக்கு மேலாக குண்டும், குழியுமாக காட்சியளிக்கிறது. இதனால் வாகன ஓட்டிகள் பெரிதும் அவதிப்பட்டு வருகின்றனர். மேலும் இரவு நேரத்தில் இந்த சாலை வழியாக செல்லும் இருசக்கர வாகன ஓட்டிகள் சாலையில் பள்ளம் இருப்பது தெரியாமல் அதில் வாகனத்தை விட்டு நிலைதடுமாறி கீழே விழுந்து காயம் அடைந்து வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.