புதிய தார்ச்சாலை அமைக்க வேண்டும்

திருவாரூர் மாவட்டம், மன்னார்குடி தாலுகா மேலவாசல் கிராமம் வடக்கு தெருவில் உள்ள சாலை அமைக்கப்பட்டு பல ஆண்டுகள் ஆகின்றன. இந்த சாலையின் வழியாக மேலவாசல், காரிக்கோட்டை, இடையர் எம்பேத்தி, கள்ளர் எம்பேத்தி, மூவாநல்லூர், செருமங்கலம் ஆகிய பகுதிகளை சேர்ந்த மக்கள் மன்னார்குடிக்கு சென்று வருகின்றனர். தற்போது இந்த சாலை மண் சாலையாக உள்ளதால் மழைக்காலங்களில் சேறும் சகதியுமாக காட்சி அளிக்கிறது. இதனால் இரவு நேரங்களில் அந்த வழியாக செல்லும் வாகன ஓட்டிகள் மிகவும் அவதியடைந்து வருகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து புதிய தார்ச்சாலை அமைத்து தரவேண்டும் என்று பொதுமக்கள் கோரிக்கைவிடுத்துள்ளனர்.