குண்டும், குழியுமான சாலை

கரூர் மாவட்டம், புன்னம் சத்திரத்தில் இருந்து கரியாம்பட்டி, ஓலப்பாளையம் செல்லும் தார் சாலை போடப்பட்டு சுமார் 15 ஆண்டுகளுக்கு மேல் ஆகிறது. இந்த சாலை வழியாக பள்ளி, கல்லூரி வாகனங்கள், கார், லாரி, இருசக்கர வாகனங்கள் என ஏராளமான வாகனங்கள் சென்று வருகின்றன. இந்நிலையில் தார் சாலை போடப்பட்டு பல ஆண்டுகள் ஆனதால் தார் சாலை சிதிலமடைந்து குண்டும், குழியுமாக உள்ளது. இதனால் வாகன ஓட்டிகள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.