குண்டும், குழியுமான சாலை

திருச்சி மாவட்டம், வையம்பட்டி ஒன்றியம், குமராவடி கிராமத்தில் இருந்து கு.வளையபட்டி வழியாக செல்லும் சாலை குண்டும், குழியுமாக உள்ளது. இதனால் அந்த வழியாக மோட்டார் சைக்கிள்களில் செல்வோர் கீழே விழுந்து படுகாயம் அடைந்து வருகின்றனர். மேலும் நடந்து செல்லும் பள்ளி மாணவ-மாணவிகள், பொதுமக்கள் கடும் சிரமத்திற்கு உள்ளாகி வருகின்றனர். இதனால் பொதுமக்கள் 2 கிலோமீட்டர் வரை சுற்றி சடையம்பட்டி வழியாக செல்கின்றனர். எனவே சம்பந்தப்பட்ட அதிகாரிகள் இதுகுறித்து உடனடியாக நடவடிக்கை எடுக்க வேண்டும் என கேட்டுக் கொள்கிறோம்.