வேகத்தடை அமைக்க வேண்டும்

திருப்பூரில் பல்வேறு பகுதியில் ஸ்மார்ட் சிட்டி திட்டத்தில் தார்ச்சாலைகள் பெயர்க்கப்பட்டு கான்கிரீட் சாலையாக மாற்றப்பட்டு வருகிறது. குறிப்பாக டி.எம்.எப். ஆஸ்பத்திரி பகுதியில் இருந்து குமரன் சாலை வரை கான்கிரீட் சாலை அமைக்கப்பட்டுள்ளது. இந்த சாலை முழுவதும் போக்குவரத்திற்கு தயாராகாத நிலையில் வாகனங்கள் அதிக வேகத்தில் செல்கிறது. குறிப்பாக கார்களில் செல்பவர்களும், இரு சக்கர வாகனங்களில் செல்பவர்களும் இறக்கை கட்டி பறக்கிறார்கள். அந்த சாலையில் நடந்து செல்பவர்களை மனிதனாக பார்ப்பது இல்லை. அந்த சாலையில் விபத்து ஏற்பட்டால் அதன் விளைவு விபரீதமாக இருக்கும். எனவே விபத்து நடக்கும் முன்பு அங்கு வேகத்தடை அமைத்தால் நன்று.