சாலையை சீரமைக்க கோரிக்கை

கரூர் மாவட்டம், திருக்காடுதுறையிலிருந்து நத்தமேடு வழியாக செல்லும் புகழூர் வாய்க்கால் கரை சாலையில் இருபுறமும் ஏராளமான நாணல் தட்டுகள் மற்றும் செடி, கொடிகள் முளைத்துள்ளன. இதன் காரணமாக புகளூர் வாய்க்கால் ஓரத்தில் செல்லும் சாலை வழியாக வாகனங்கள் செல்ல முடியாத சூழ்நிலை ஏற்பட்டுள்ளது. எனவே பொதுப்பணித்துறை அதிகாரிகள் விரைந்து நடவடிக்கை எடுத்து சாலையின் இருபுறமும் முளைத்துள்ள நாணல் தட்டு மற்றும் பல்வேறு செடி, கொடிகளை அகற்றி புகழூர் வாய்க்கால் மேட்டில் உள்ள சாலை வழியாக வாகனங்கள் செல்ல வழிவகை செய்ய வேண்டும் என கேட்டுக்கொள்கிறோம்.