டாஸ்மாக் கடை இடம் மாற்றம் செய்யப்படுமா?

தஞ்சாவூர் மாவட்டம் கும்பகோணம் வட்டம் சோழபுரம் அடுத்து விளந்தகன்டம் அருகே டாஸ்மாக் கடை உள்ளது. அருகில் பள்ளிக்கூடம் இருப்பதால் மாணவ-மாணவிகள் பெரிதும் சிரமப்படுகின்றனர். மேலும் மது பிரியர்கள் மதுவை குடித்து விட்டு தகராறில் ஈடுபடுகின்றனர். இதனால் அந்த வழியாக நடந்து செல்லும் பெண்கள் மிகவும் அச்சப்படுகின்றனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து ஒதுக்குப்புறமாக இடத்தில் டாஸ்மாக் கடையை இடம் மாற்றம் செய்ய வேண்டும் என்று பொதுமக்கள் கோரிக்கை விடுத்துள்ளனர்.

சோழபுரம் ஜெய்கணேஷ்..