ஊழியர்கள் பற்றாக்குறை

உத்திரமேரூரில் உள்ள ரேஷன் கடைகளில் ஊழியர்கள் பற்றாக்குறையால் பொருட்கள் வாங்க முடியாமல் பொதுமக்கள் அவதிப்படுகின்றனர்.இந்த பகுதியில் மொத்தம் உள்ள 13 கடைகளில் 7 ஊழியர்கள் மட்டுமே பணிபுரிகிறார்கள். இதனால் சில ரேஷன் கடைகள் வாரத்தில் 2 நாட்கள் மட்டுமே திறக்கப்படுகிறது. எப்போது திறக்கிறார்கள் என்பது பொது மக்களுக்கு தெரியாததால் கடை திறக்கும் போது அதிக அளவில் கூட்டம் கூடுகிறது. இதனால் பொதுமக்கள் மிகுந்த சிரமத்திற்கு உள்ளாகிறார்கள். நிர்வாக ரீதியாக நடவடிக்கை தேவை.