எரியாத மின் விளக்கு

திருவள்ளூர் மாவட்டம், மணலி புதுநகர் பப்புமெஸ் அருகே உள்ள சாலையில் மின் விளக்குகள் பழுதடைந்து எரியாமல் உள்ளது. இதனால் அப்பகுதி இருள் சூழ்ந்து காணப்படுகிறது. மேலும் இரவு நேரங்களில் பாதசாரிகள் நடந்து செல்லும் போது தவறி கீழே விழும் சூழலும் உள்ளது. சாலையில் செல்லும் வாகன ஓட்டிகள் அடிக்கடி விபத்தில் சிக்கும் சம்பவங்களும் அரங்கேறுகிறது. எனவே புதிய மின் விளக்குகள் பொருத்த மின்சார துறையினர் நடவடிக்கை எடுக்க வேண்டும்.