முன்சிறையில் இருந்து கோழிவிளைக்கு செல்லும் சாலை உள்ளது. இந்த சாலையோரத்தில் இருபுறமும் 4 முதல் 6 அங்குலங்கள் உயரத்திற்கு காங்கிரீட் தடுப்புகள் அமைக்கப்பட்டுள்ளது. இதனால், எதிரெதிர் திசையில் வரும் வாகனங்கள் செல்லும் போது இடையூறு ஏற்படுகிறது. மேலும், இருசக்கர மற்றும் நான்கு சக்கர வாகனங்களை அவசரத்திற்கு சாலையில் உள்ள காங்கிரீட் தடுப்பை தாண்டி ஓரமாக நிறுத்த முடியாத நிலை ஏற்படுகிறது. இதனால், வாகன ஓட்டிகள் பெரும் அவதிக்குள்ளாகி வருகின்றனர். எனவே, வாகன ஓட்டிகள் நலன்கருதி சாலையோரத்தில் உள்ள காங்கிரீட் தடுப்புகளை அகற்றி அகலமான தார்சாலை அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.
-வினு, குன்னத்தூர்.