சேலம் ஏத்தாப்பூர் சாலை பிரதான இணைப்பு பகுதியாகவும் முக்கிய வழித்தடமாகவும் உள்ளது. இந்தப்பகுதியில் பொருத்தப்பட்டுள்ள கண்காணிப்பு கேமராக்கள் பழுதடைந்து காணப்படுகிறது. இந்த வழித்தடத்தில் தான் முத்துமலை முருகன் கோவிலுக்கு செல்ல வேண்டும். மேலும் சுற்றுலாத்தலமாக விளங்கக்கூடிய கருமந்துறை பகுதிக்கு செல்லவும் இது மிக முக்கிய பாதையாகும். சமீப காலமாக இந்த பிரதான சாலை பகுதியில் திருட்டு, வழிப்பறி சம்பவங்கள் அதிகமாக நடைபெற்று வருகிறது. எனவே, காட்சி பொருளான கண்காணிப்பு கேமராக்களை விரைந்து சரி செய்து தர அதிகாரிகள் நடவடிக்கை எடுக்க வேண்டும் என்பது அப்பகுதி பொதுமக்களின் கோரிக்கையாக உள்ளது.
-கிருஷ்ணன், ஏத்தாப்பூர்.