பெங்களூரு எச்.ஏ.எல். பழைய விமான நிலையம் செல்லும் சாலையில் நடைபாதை உள்ளது. இந்த நடைபாதை அருகே கட்டுமான பணிகள் நடைபெற்று வருகிறது. இதற்காக அந்த நடைபாதையில் ஜல்லி கற்கள், மணல் போன்ற கட்டிட பொருட்கள் போடப்பட்டுள்ளன. மேலும் சில கட்டிட கழிவுகளும் அங்கு வீசப்பட்டுள்ளன. இதனால் அந்த நடைபாதையை பயன்படுத்த முடியாமல் பாதசாரிகள் தவித்து வருகின்றனர். மேலும், அவர்கள் நடைபாதையை விட்டு சாலையில் இறங்கி செல்லும்போது விபத்தில் சிக்கும் அபாயம் உள்ளது. எனவே மாநகராட்சி அதிகாரிகள் அதன்மீது நடவடிக்கை எடுக்க வேண்டும்.