புதுக்கோட்டை மாவட்டம் அரிமளம் ஒன்றியத்தில் 32 கிராம ஊராட்சிகள் உள்ளன. இங்கு வட்டார கல்வி அலுவலகம், வட்டார வள மையம், ஊட்டச்சத்து அலுவலகம், சுகாதாரத் துறை அலுவலகம், வட்டார வேளாண் துறை அலுவலகம் உள்ளிட்ட பல்வேறு அரசு அலுவலகங்கள் செயல்பட்டு வருகின்றன. இந்த நிலையில் அரிமளம் நகரில் இருந்து ஏம்பலுக்கு நேரடியாக பஸ் வசதி இல்லை. இதனால் பொதுமக்கள் கே.புதுப்பட்டி வந்து 2 பஸ்கள் மாறி செல்ல வேண்டி உள்ளது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து காலை, மதியம், மாலைக்கு பஸ் வசதி ஏற்படுத்த வேண்டும் என கேட்டுக்கொள்கிறோம்.