கோவை காந்திபுரம் டவுன் பஸ் நிலைய சந்திப்பு பகுதி மற்றும் கிராஸ்கட் ரோடு பகுதியில் சாலையோரம் குழாய் பதிக்க குழி தோண்டப்பட்டது. இங்கு பணி முடிந்த பிறகும் குழியை சரிவர மூடவில்லை. சாலையின் ஒரு பகுதி தார்சாலையாகவும், மறுபகுதி மண்சாலையாகவும் காட்சி அளிக்கிறது. இதனால் அந்த வழியாக சென்று வரும் வாகன ஓட்டிகள் விபத்தில் சிக்கி வருகின்றனர். குறிப்பாக சந்திப்பு பகுதியில் ஜல்லிக்கற்கள் சிதறி கிடக்கின்றன. இதனால் இருசக்கர வாகன ஓட்டிகள் சறுக்கி விழுந்து வருகின்றனர். எனவே அந்த பகுதிகளில் சாலையை சீரமைக்க அதிகாரிகள் முன்வர வேண்டும்.